Ամերիկյան «Վաշինգտոն Քեփիթալզի» լեգենդար ռուս հոկեյիստ Ալեքսանդր Օվեչկինը վնասվածք է ստացել մարզման ժամանակ, հայտնում է The Hockey News-ը:

38-ամյա հարձակվողը մարզման մեկնարկից մի քանի րոպե անց նստել է պահեստայինների նստարանին, իսկ հետո գնացել հանդերձարան։ 

Մայրաքաղաքային թիմը մրցաշրջանի առաջին պաշտոնական հանդիպումը կանցկացնի հոկտեմբերի 13-ին «Նյու Ջերսի Դևիլզի» դեմ:

Հիշեցնենք, որ «Վաշինգտոն Քեփիթալզի» ավագ Ալեքսանդր Օվեչկինը Հոկեյի ազգային լիգայի (NHL) պատմության երկրորդ լավագույն ռմբարկուն է: