ՈւԵՖԱ-ի նախագահ Ալեքսանդր Չեֆերինը հայտարարել է, որ չի առաջադրելու իր թեկնածությունը հաջորդ ընտրության ժամանակ։
«Շուրջ 6 ամիս առաջ որոշեցի, որ նախագահի պաշտոնում չեմ առաջադրվելու 2027 թվականին։ Պատճառներից մեկը թարմ արյան անհրաժեշտությունն է, իսկ մյուսն այն է, որ չեմ կարողանում շատ ժամանակ անցկացնել ընտանիքիս հետ»,- ՈՒԵՖԱ-ի կոնգրեսից հետո տեղի ունեցած ասուլիսում ասել է սլովենացի ֆունկցիոները։
Հիշեցնենք, որ Ալեքսանդր Չեֆերինը 2023թ․ ապրիլի 5-ին էր վերընտրվել է ՈւԵՖԱ-ի նախագահի պաշտոնում։ Նա միակ թեկնածուն էր ընտրություններում:
56-ամյա պաշտոնյան եվրոպական գլխավոր ֆուտբոլային կառույցը ղեկավարում է 2016 թվականի սեպտեմբերից, իսկ առաջին անգամ վերընտրվել է 2019 թվականի փետրվարին:
2011-2016 թվականներին Ալեքսանդր Չեֆերինը գլխավորել է Սլովենիայի ֆուտբոլի ֆեդերացիան:
