Անգլիական «Լիվերպուլի» պաշտպան Տրենտ Ալեքսանդր-Առնոլդը, հնարավոր է, բաց թողնի Անգլիայի Լիգայի գավաթի եզրափակիչը, հայտնում է ակումբի մամուլի ծառայությունը:
Մերսիսայդցիների առանցքային խաղացողը վնասվածք էր ստացել ֆրանսիական ՊՍԺ-ի դեմ Չեմպիոնների լիգայի 1/8 եզրափակիչի պատասխան մրցավեճում:
Բժշկական անձնակազմն առայժմ հստակ գնահատական չի տվել վնասվածքի բարդության վերաբերյալ, բայց հավանականություն կա, որ նա չի հասցնի ապաքինվել մինչև հանդիպումը:
Անգլիայի Լիգայի գավաթի խաղարկության եզրափակիչում «Լիվերպուլն» «Ուեմբլիում» մարտի 16-ին կմրցի «Նյուքասլի» հետ:
