Իսպանացի մասնագետ Ալբերտ Սելադեսը նշանակվել է Կիպրոսի չեմպիոն «Պաֆոսի» գլխավոր մարզիչ, հաղորդում է ակումբի մամուլի ծառայությունը:
Պայմանագիրը նախատեսված է մինչև հաջորդ մրցաշրջանի ավարտը` 1 տարով երկարաձգելու հնարավորությամբ:
Իսպանացին փոխարինել է իր հայրենակից Խուան Կառլոս Կարսեդոյին, որը որոշել է գլխավորել Մոսկվայի «Սպարտակը»։
Սելադեսը «Ռեալի» և «Բարսելոնայի» նախկին խաղացող է։ Նախկինում գլխավորել էր Իսպանիայի տարբեր տարիքային հավաքականները և «Վալենսիան»։
