Ֆուտբոլի Ալբանիայի ազգային հավաքականի կիսապաշտպան Կլաուս Գյասուլան յուրահատուկ նվաճման է հասել Եվրո-2024-ի խմբային փուլի երկրորդ տուրում Խորվաթիայի թիմի դեմ խաղում (2-2)։

Opta-ն գրում է, որ Գյասուլան մեծ մրցաշարերի` աշխարհի ու Եվրոպայի առաջնությունների պատմության առաջին ֆուտբոլիստն է, որը փոխարինման մտնելուց հետո դարձել է ինչպես գոլի հեղինակ, այնպես էլ գրավել է սեփական դարպասը։

Գերմանական «Դարմշտադտի» ֆուտբոլիստը դաշտ էր դուրս եկել 72-րդ րոպեին, 4 րոպե անց գրավել էր սեփական դարպասը, իսկ ավելացված 5-րդ րոպեին Ալբանիայի հավաքականին փրկել էր պարտությունից (տեսանյութ)։