«Ալաշկերտի» եզրային հարձակվող Օլավալե Ֆարայոլան ճանաչվել է Fastex Պրեմիեր լիգայի օգոստոսի լավագույն ֆուտբոլիստ, հայտնում է մրցաշարի էջը:
Քվեարկությունն անցկացվել է երկրպագուների, մարզական լրագրողների և «Ֆասթ Սպորտ»-ի մեկնաբանների շրջանում։
Նիգերիացին ստացել է ընդհանուր ձայների շուրջ 40%-ը։ Երկրորդ տեղը զբաղեցրել է «Ուրարտուի» կիսապաշտպան Նարեկ Աղասարյանը, իսկ եռյակը եզրափակել է «Արարատ-Արմենիայի» պաշտպան Էդգար Գրիգորյանը:
Հիշեցնենք՝ օգոստոսի լավագույն մարզիչ էր ճանաչվել «Ալաշկերտը» գլխավորող Վահե Գևորգյանը:
