Սաուդյան Արաբիան ներկայացնող «Ալ Նասրը» պատրաստ է 3 անգամ ավելի աշխատավարձ վճարել «Մանչեսթեր Սիթիի» դարպասապահ Էդերսոնին, քան նա այժմ ստանում է, հայտնում է ESPN-ը:

Բրազիլացի ֆուտբոլիստն անգլիական ակումբում շաբաթական վաստակում է 200 հազար ֆունտ սթերլինգ, բայց մանկունյացիները չեն պատրաստվում նույն պայմաններով շարունակել համագործակցությունը և հավանաբար կբաժանվեն դարպասապահից:

Հիշեցնենք, որ 30-ամյա Էդերսոնի գործող պայմանագիրը լրանալու է 2026 թվականին: Ավարտված մրցաշրջանում նա «Մանչեսթեր Սիթիի» կազմում անցկացրել է 43 հանդիպում: