Սաուդյան Արաբիան ներկայացնող «Ալ Իթիհադը» կարող է գլխավորել պորտուգալացի մասնագետ Ժոզե Մոուրինյոն, հաղորդում է Daily Mail-ը։
Օրերս երկրի գործող չեմպիոնը հեռացրել է թիմի մարզիչ Նունու Էշպիրիտու-Սանտուին։ Հաղորդվում է, որ ակումբը դիտարկում է «Ռոմայի» մարզչին հրավիրելու տարբերակը, սակայն հայտնի չէ, թե ինչ պատասխան կտա Մոուրինյոն։ Ամռանը նա մերժել էր Սաուդյան Արաբիա տեղափոխվելու առաջարկը։
«Ալ Իթիհադի» կազմում հանդես է գալիս Կարիմ Բենզեման, որը ժամանակին աշխատել է Ժոզե Մոուրինյոյի հետ Մադրիդի «Ռեալում»։
Ուղիղ մեկ ամսից Սաուդյան Արաբիայի չեմպիոնը մասնակցելու է Աշխարհի ակումբային առաջնությանը։
