«Ալ Հիլյալը» Սաուդյան Արաբիայի Պրո լիգայի 28-րդ տուրից հետաձգված խաղում հյուրընկալվեց «Ալ Ահլիին» և կամային հաղթանաակ տարավ 2-1 հաշվով:

Ժորժե Ժեզուշի գլխավորած թիմի կազմում գոլի հեղինակ դարձան սերբ հարձակվող Ալեքսանդր Միտրովիչը և բրազիլացի վինգեր Մալկոմը:

«Ալ Հիլյալը» 30 խաղից հետո 86 միավորով շարունակում է գլխավորել մրցաշարային աղյուսակը և արդեն 12 միավորով է գերազանցում երկրորդ տեղում գտնվող «Ալ Նասրին»: Եթե «Ալ Հիլյալը» չպարտվի հաջորդ խաղում, առաջնության ավարտից երեք տուր առաջ կդառնա չեմպիոն: «Ալ Ահլին» 55 միավորով երրորդն է:

Սաուդյան Արաբիայի Պրո լիգա, 28-րդ տուր

«Ալ Ահլի» - «Ալ Հիլյալ»՝ 1-2

Ֆիրաս Ալ-Բուրայկան, 30 - Ալեքսանդր Միտրովիչ, 52, Մալկոմ, 89