Ուզբեկստանի մայրաքաղաք Տաշքենդում ավարտված Al-Beruniy շախմատի միջազգային մրցաշարում Հայաստանը ներկայացնող գրոսմայստերներ Շանթ Սարգսյանը և Հայկ Մարտիրոսյանը 6-ական միավորով կիսել են երկրորդ տեղը։

Վերջին` 9-րդ տուրում Սարգսյանը ոչ-ոքի է գրանցել ռուս Վլադիսլավ Արտեմիևի, իսկ Մարտիրոսյանը` ուզբեկ Աբդիմալիկ Աբդիսալիմովի հետ պարտիայում։

Մրցաշարի հաղթող է դարձել ուզբեկ գրոսմայստեր Մուխիդին Մադամինովը, որը 9 հնարավորից վաստակել է 6,5 միավոր։