Ամերիկյան «Կադիլակը» մտադիր է թիմի ղեկավարի պաշտոնի համար առաջարկ կատարել Քրիստիան Հորներին, հաղորդում է Auto Motor und Sport-ը:
Հորները 2005 թվականից գլխավորում էր ավստրիական «Ռեդ Բուլը», որտեղից հեռացել է հուլիսին: Այնուամենայնիվ, մինչև Ֆորմուլա 1-ի հաջորդ մրցաշրջանի մեկնարկը Հորները չի կարող պայմանագիր կնքել այլ թիմի հետ: Նա «Ռեդ Բուլի» հետ պայմանագիր ուներ մինչև 2030 թվականը:
Հիշեցնենք, որ «Կադիլակը» հաջորդ մրցաշրջանից հանդես կգա Ֆորմուլա 1-ում:
