Անգլիական «Մանչեսթեր Յունայթեդը» չի ծրագրում նոր պայմանագիր առաջարկել բրազիլացի կիսապաշտպան Կազեմիրոյին, հաղորդում է Football Insider-ը:
33-ամյա ֆուտբոլիստի պայմանագրի ժամկետը կսպառվի մրցաշրջանի ավարտին: Ակումբի ղեկավարությունը ցանկանում է կրճատել աշխատավարձերի բյուջեն և չի կարող բարձր վարձատրվող Կազեմիրոյի հետ նոր պայմանագիր ստորագրել: Եթե բրազիլացին պատրաստ լինի աշխատավարձի չափը զգալիորեն կրճատելուն, այդ դեպքում հնարավոր է՝ անգլիական ակումբը թիմում պահի ֆուտբոլիստին:
Հիշեցնենք, որ Մադրիդի «Ռեալի» նախկին ֆուտբոլիստը 2022 թվականի օգոստոսից է խաղում «Մանչեսթեր Յունայթեդում»:
Պրեմիեր լիգայի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր խաղերը հեռարձակվում են Fast TV հավելվածում (iOS, Android):
