«Բավարիայի» վինգեր Կինգսլի Կոմանը ցանկանում է հեռանալ ակումբից, սոցցանցերում գրում է լրագրող Ֆլորիան Պլետենբերգը։
Ֆրանսիացի ֆուտբոլիստի ծառայություններով հետաքրքրված են «Տոտենհեմը», «Արսենալը» և Սաուդյան Արաբիան ներկայացնող ակումբները։
«Տոտենհեմի» համար 28-ամյա եզրայինին ձեռք բերելու միակ խոչընդոտը նրա աշխատավարձն է։ Կոմանի տրանսֆերի հարցում ավելի լուրջ են տրամադրված արաբական ակումբները, որոնց ղեկավարները մտադիր են մեկնել Մյունխեն` վինգերի տեղափոխության հարցում «Բավարիայի» հետ բանակցելու համար։
Ավելի վաղ հաղորդվում էր, որ Կոմանին իր կազմում ցանկանում է տեսնել նաև «Լիվերպուլը»։
