Անգլիայի հավաքականի և «Քրիստալ Փելասի» պաշտպան Մարկ Գեհին մոտ է Լա լիգա տեղափոխվելուն, հայտնում է լրագրող Էքրեմ Քոնուրը:
«Բարսելոնան» ակտիվ քայլեր է ձեռնարկում՝ ձմռանը պաշտպանի հետ նախնական պայմանագիր կնքելու համար: Կատալոնական գրանդի ուշադրությունը Գեհիի ուղղությամբ սևեռվել է, երբ Ռոնալդ Արաուխոյի ապագան դարձել է մշուշոտլ:
Գեհին այժմ բազմաթիվ ակումբների ուշադրության կենտրոնում է, իսկ ֆուտբոլիստի գործող պայմանագիրը ներկայիս ակումբի հետ կսպառվի 2026 թվականի ամռանը:
25-ամյա պաշտպանի ծառայություններով հետաքրքրված ակումբների թվում են նաև Մադրիդի «Ռեալը», «Աթլետիկոն», «Բավարիան», «Ինտերը» և «Յուվենտուսը»: Ընթացիկ մրցաշրջանում Մարկ Գեհին «Քրիստալ Փելասի» կազմում մասնակցել է 23 հանդիպման, որոնցում աչքի է ընկել 3 գոլով և 4 գոլային փոխանցումով:
