«Բարսելոնայի» գլխավոր մարզիչ Հանս-Դիտեր Ֆլիկի գործակալ Պինի Զահավին գերմանացի մասնագետի և ակումբի պայմանագրի ժամկետը մեկ տարով երկարաձգելու վերաբերյալ համաձայնության է եկել կատալոնական ակումբի ղեկավարության հետ, հաղորդում է SPORT-ը:
«Բարսելոնայի» նախագահ Ժոան Լապորտան, սպորտային տնօրեն Դեկուն և ղեկավար կազմի այլ անդամներ Դորտմունդի «Բորուսիայի» դեմ Չեմպիոնների լիգայի քառորդ եզրափակիչի առաջին խաղից (4-0) առաջ հանդիպում են ունեցել Զահավիի հետ և հասել համաձայնության: Այնուամենայնիվ, բանակցությունները դեռևս կշարունակվեն:
Գերմանացի մասնագետի գործող պայմանագրի ժամկետը կսպառվի 2026 թվականի ամռանը, նոր պայմանագիրը նախատեսված կլինի մինչև 2027 թվականի ամառ: Ֆլիկը կատալոնական գրանդը գլխավորել է այս մրցաշրջանից առաջ:
