«Բոկա Խունիորսի» և Հայաստանի ազգային հավաքականի վինգեր Նորբերտո Բրիասկո Բալեկյանը կտեղափոխվի Մենդոսայի «Խիմնասիա և Էսգրիմա» ակումբ, սոցցանցերում գրում է TyC Sports-ի լրագրող Գերման Գարսիա Գրովան։

Արգենտինական ակումբը մինչև 2027թ. հունվարի 1-ը կվարձակալի 29-ամյա ֆուտբոլիստին։ «Խիմնասիա և Էսգրիման» վարձակալության ավարտին կունենա հայ եզրայինի տրանսֆերային իրավունքը գնելու պայմանագրային հնարավորություն։

Բալեկյանը 2024թ. օգոստոսից վարձավճարով հանդես էր գալիս Լա Պլատայի «Խիմնասիայում», որի կազմում 30 խաղում խփել է 1 գոլ։

Բալեկյանը «Բոկա Խունիորս» է տեղափոխվել 2021թ. օգոստոսին, 56 խաղում գրանցել է 4 գոլ ու 3 ասիստ։

«Խիմնասիա և Էսգրիման» 2025թ. հաղթել է Արգենտինայի երկրորդ լիգան` նվաճելով բարձրագույն առաջնության ուղեգիր։

Արգենտինայում նոր մրցաշրջանը կմեկնարկի հունվարի 22-ին։