Հայաստանի ազգային հավաքականի և պորտուգալական «Կասա Պիայի» կիսապաշտպան Արթուր Սերոբյանը մրցաշրջանի երկրորդ հատվածում կխաղա «Արարատ-Արմենիայում», հայտնում է «Ֆասթ Մեդիայի» մարզական մեկնաբան, ֆուտբոլային ինսայդեր Սուրեն Մելիքսեթյանը:
«Կասա Պիայի» ներկայացուցիչները ցանկացել են Սերոբյանին պահել թիմում, սակայն ֆուտբոլիստը բավարար խաղաժամանակ չստանալու պատճառով որոշել է հեռանալ պորտուգալական ակումբից:
Կիսապաշտպանը «Կասա Պիայի» կազմում նախորդ անգամ խաղացել է 2023թ․ հոկտեմբերին՝ գավաթային խաղում դառնալով գոլի հեղինակ:
Հիշեցնենք, որ Արթուր Սերոբյանը 2023-ին էր «Արարատ-Արմենիայից» տեղափոխվել «Կասա Պիա», որի կազմում մասնակցել է 4 խաղի ու խփել մեկ գոլ։
