AFP Sports միջազգային լրատվական գործակալությունը ներողություն է խնդրել «Չելսիի» դարպասապահ Էդուար Մենդիից:
Բանն այն է, որ լրատվական գործակալությունն Էդուար Մենդիի լուսանկարներից երկուսը սխալ է վերնագրել՝ նշելով «Սիթիի» պաշտպան Բենժամեն Մենդիի անունը: Այս սխալի պատճառով լուսանկարները տարածում են գտել մի շարք գործընկեր լրատվամիջոցներում՝ օգտագործվելով Բենժամեն Մենդիին վերաբերող հրապարակումներում:
Հիշեցնենք, որ Բենժամեն Մենդին մեղադրվում է բռնաբարության 4 դեպքի համար: «Մանչեսթեր Սիթին» հաստատել է դատական գործընթացը, Մենդին հեռացվել է թիմի մարզումներից մինչև հետաքննության ավարտը:
