Ադրբեջանի և Թուրքիայի մարզիկները չեն մասնակցելու Երևանում կայանալիք սամբոյի աշխարհի գավաթի խաղարկությանը: Այդ մասին լրագրողների հետ զրույցում նշել է Հայաստանի սամբոյի ֆեդերացիայի նախագահ Միքայել Հայրապետյանը:
«Այդ երկրներից մասնակցության հայտեր չենք ստացել։ Իսկ Ռուսաստանից ու Ուկրաինայից կժամանեն մեծ պատվիրակություններ։
Մեր թիմը պատրաստ է աշխարհի գավաթին։ Վստահ ենք, որ հայ սամբիստները շատ մեդալներ են նվաճելու այս տարի»,- նշել է Միքայել Հայրապետյանը։
Հիշեցնենք, որ սամբոյի աշխարհի գավաթի խաղարկությունը կկայանա ապրիլի 4-5-ը։
