Երևանի գեղասահքի և հոկեյի մարզադպրոցում սեպտեմբերի 10-ին (ժամը 19։00-ից) կկայանա սառցե շոու, որին կմասնակցեն դպրոցի պատանի գեղասահորդները, հաղորդում է Երևանի «Մոսկվայի տան» մամուլի ծառայությունը։

Մոսկվայի 876-ամյակին նվիրված միջոցառմանը կմասնակցի նաև ռուսաստանցի գեղասահորդուհի, 2023թ․ Ռուսաստանի Գրան պրիի եզրափակիչի հաղթող, 2022թ․ Ռուսաստանի առաջնության բրոնզե մեդալակիր Ադելյա Պետրոսյանը։ 16-ամյա մարզուհին կանցկացնի նաև մաստեր-կլաս։