Հայ գեղասահորդուհի Ադելիա Պետրոսյանը դարձել է Մագնիտոգորսկում ընթացող Համառուսաստանյան սպարտակիադայի հաղթող։

16-ամյա մարզուհին մենասահքի ազատ ծրագրից հետո վաստակել է 252,97 միավոր։ Երկրորդ տեղը գրավել է Աննա Ֆրոլովան (225,98), բրոնզե մեդալակիր է դարձել Քսենյա Սինիցինան (224,65):

Հիշեցնենք, որ Պետրոսյանը նախորդ տարի դարձել էր Ռուսաստանի չեմպիոն, նա նաև Ռուսաստանի Գրան պրիի կրկնակի հաղթող է: