«Քյոլնը» Գերմանիայի առաջնության վերջին՝ 34-րդ տուրում, հյուրընկալվելիս 1-4 հաշվով պարտվեց «Հայդենհայմին», 27 միավորով գրավեց 17-րդ տեղը և հաջորդ մրցաշրջանում կխաղա երկրորդ Բունդեսլիգայում:
Վերջին տուրի մրցավեճում «Քյոլնի» կազմում խաղաժամանակ չստացավ Հայաստանի ազգային հավաքականի հարձակվող Սարգիս Ադամյանը, որը հայտավորված էր հանդիպմանը:
Բունդեսլիգայից դուրս մնաց նաև վերջին տեղը գրաված «Դարմշտադտը», իսկ 16-րդ տեղում հանգրվանած «Բոխումը» տեղը պահպանելու համար անցումային խաղեր կանցկացնի երկրորդ Բունդեսլիգայում երրորդ տեղը գրաված թիմի հետ:
Վերջին տուրում չեմպիոն Լևերկուզենի «Բայերն» ընդունեց «Աուգսբուրգին» և հաղթեց 2-1 հաշվով: Այսպիսով, Խաբի Ալոնսոյի գլխավորած թիմն առաջնությանն ավարտեց առանց պարտության և վաստակեց 90 միավոր:
Բացի «Բայերից», Չեմպիոնների լիգայի հաջորդ խաղարկությունում Գերմանիան կներկայացնեն նաև երկրորդ տեղը գրաված «Շտոըտգարտը», երրորդ տեղում հայտնված Մյունխենի «Բավարիան», չորրորդ տեղը զբաղեցրած «Լայպցիգն» ու լավագույն հնգյակը եզրափակած Դորտմունդի «Բորուսիան»:
Եթե «Բորուսիան» հունիսի 1-ին գլխավոր եվրագավաթի եզրափակիչում հաղթի Մադրիդի «Ռեալին», ապա Չեմպիոնների լիգայի ուղեգիր կնվաճի նաև 6-րդ տեղը գրաված Ֆրանկֆուրտի «Այնտրախտը», որն այս պահի դրությամբ նվաճել է Եվրոպա լիգայի ուղեգիր: Կոնֆերենցիաների լիգայում կխաղա 7-րդ տեղը գրաված «Հոֆենհայմը»:
Մյոնխենգլադբախի «Բորուսիան», որի կազմում է խաղում Հայաստանի ազգային հավաքականի հարձակվող Հրանտ-Լեոն Ռանոսը, 34 միավորով գրավեց 14-րդ տեղը:
Գերմանիայի Բունդեսլիգա, 34-րդ տուր
«Հայդենհայմ» - «Քյոլն»՝ 4-1 (տեսանյութ)
«Բորուսիա Դորտմունդ» - «Դարմշտադտ»՝ 4-0 (տեսանյութ)
«Հոֆենհայմ» - «Բավարիա»՝ 4-2
«Բայեր Լևերկուզեն» - «Աուգսբուրգ»՝ 2-1
«Այնտրախտ Ֆրանկֆուրտ» - «Լայպցիգ»՝ 2-2 (տեսանյութ)
«Շտուտգարտ» - «Բորուսիա Մյոնխենգլադբախ»՝ 4-0 (տեսանյութ)
«Ունիոն Բեռլին» - «Ֆրայբուրգ»՝ 2-1 (տեսանյութ)
«Վոլֆսբուրգ» - «Մայնց»՝ 1-3 (տեսանյութ)
«Վերդեր Բրեմեն» - «Բոխում»՝ 4-1 (տեսանյութ)
