Գերմանիայի ու Կանադայի հավաքականները դուրս եկան Ինդոնեզիայում, Ճապոնիայում և Ֆիլիպիններում շարունակվող բասկետբոլի աշխարհի առաջնության կիսաեզրափակիչ։

Քառորդ եզրափակիչում գերմանացիները լարված պայքարում երկու միավորի առավելությամբ հաղթեցին Լատվիայի հավաքականին՝ 81-79։

Բասկետբոլի ազգային ասոցիացիայի (NBA) ներկայացուցիչ «Դալաս Մավերիքսի» խաղացող Լուկա Դոնչիչի 26 միավորները չօգնեցին Սլովենիայի հավաքականին, որը 89-100 հաշվով պարտվեց Կանադայի թիմին ու դուրս մնաց պայքարից։

Կիսաեզրափակիչում Գերմանիան կմրցի ԱՄՆ-ի հավաքականի հետ, իսկ կանադացիների միցակիցը կլինի Սերբիան։

Հիշեցնենք, որ աշխարհի գործող չեմպիոնն Իսպանիայի հավաքականն է, որն այս առաջնությունում չէր կարողացել նվաճել փլեյ-օֆֆի ուղեգիր։