Դահուկավազքի տղամարդկանց Նորվեգիայի հավաքականը Տրոնհեյմում ընթացող աշխարհի առաջնության էստաֆետում նվաճեց ոսկե մեդալները:
Յոհաննես Կլեբոն, Էրիկ Ուոլնեսը, Մարտին Նյենգետը և Հարալդ Ամունդսենը 4x7,5 կիլոմետր տարածությունը հաղթահարեցին 1 ժամ 8 րոպե 13,7 վայրկյանում։
Երկրորդ տեղը գրավեցին շվեյցարացի Սիրիլ Ֆենդրիչը, Յոնաս Բաումանը, Ջեյսոն Ռյուշը և Վալերիո Գրոնդը (+21,6 վայրկյան): Բրոնզե մեդալակիր դարձավ Շվեդիայի քառյակը` Թրուլս Գիսելման, Ուիլյամ Պորոմա, Յենս Բուրման և Էդվին Ունգեր (+21,8 վայրկյան):
