Անտվերպենում մեկնարկած մարմնամարզության աշխարհի առաջնությունում Հայաստանի ներկայացուցիչներից որակավորման փուլում առաջինը պայքարի են դուրս եկել Արթուր Դավթյանը և Գագիկ Խաչիկյանը:
Նժույգթափեր վարժությունում Դավթյանը ստացել է 13,833, իսկ Գագիկ Խաչիկյանը՝ 14,600 միավոր: Օղակների վարժությունում Խաչիկյանը ստացել է 12,266, իսկ Դավթյանը՝ 13,833 միավոր:
Հենացատկում Խաչիկյանի գնահատականը կազմել է 13,133, իսկ Օլիմպիական խաղերի բրոնզե մեդալակիր Դավթյանինը՝ 15,033 միավոր:
Հիշեցնենք, որ Հայաստանի հավաքականը 5 մարզիկով է մեկնել Բելգիա:
