ՖԻՖԱ-ն կքննարկի 2030 թվականին երեք մայրցամաքներում կայանալիք ֆուտբոլի աշխարհի առաջնության մասնակիցների թվի ավելացման հարցը, հաղորդում է The New York Times-ը։
Ի պատիվ առաջին աշխարհի առաջնության հարյուրամյակի` Մունդեալ-2030-ի մասնակիցների քանակը կարող է դառնալ 64: ՖԻՖԱ-ի Խորհրդի նիստին արդեն բարձրացվել է այս հարցը:
ՖԻՖԱ-ի նախագահ Ջանի Ինֆանտինոյին հետաքրքրել է այս առաջարկը:
Հիշեցնենք, որ 2026 թվականին ԱՄՆ-ում, Մեքսիկայում և Կանադայում կայանալիք աշխարհի առաջնությանն առաջին անգամ կմասնակցեն 48 երկրի ազգային հավաքականներ: Մինչև այս մասնակիցների քանակը չի գերազանցել 32-ը:
ԱԱ-2030-ը կհյուրընկալեն Իսպանիան, Պորտուգալիան և Մարոկկոն: Արգենտինան, Ուրուգվայն ու Պարագվայն էլ մեկական խաղ կընդունեն:
