ԱԱ-2026-ի եվրոպական գոտու ընտրական մրցաշարի K խմբի վերջին տուրում Անգլիայի ազգային հավաքականը մրցակցի դաշտում 2-0 հաշվով հաղթեց Ալբանիայի թիմին։ «Երեք առյուծներից» դուբլ գրանցեց Հարի Քեյնը։

Թոմաս Տուխելի գլխավորած թիմն ընտրական մրցաշարի բոլոր 8 խաղերը հաղթեց առանց գոլ բաց թողնելու` 24 միավորով գրավելով առաջին տեղը։ Ալբանիան 14 միավորով երկրորդն է ու կմասնակցի անցումային փլեյ-օֆֆին։

Ֆրանսիայի հավաքականը նույնպես որակավորման փուլն ավարտեց հաղթանակով` մրցակցի դաշտում 3-1 հաշվով առավելության հասնելով Ադրբեջանի դեմ խաղում։

Ուկրաինայի հավաքականն էլ 2-0 հաշվով հաղթեց Իսլանդիային։

Ֆրանսիացիները 16 միավորով առաջինն են D խմբում։ Ուկրաինան 10 միավորով զբաղեցրեց երկրորդ տեղը` նվաճելով անցումային փլեյ-օֆֆի ուղեգիր։

ԱԱ-2026, եվրոպական գոտու ընտրական մրցաշար

D խումբ

Ադրբեջան - Ֆրանսիա` 1-3

Ռենատ Դադաշով, 4 - Ժան-Ֆիլիպ Մատետա, 17, Մագնես Ակլիուշ, 30, Շահրուդին Մահամադալիև, 45 (ինքնագոլ)

Ուկրաինա - Իսլանդիա` 2-0

Ալեքսանդր Զուբկով, 83, Ալեքսեյ Գուցուլյակ, 90+3

K խումբ

Ալբանիա - Անգլիա` 0-2

Հարի Քեյն, 74, 82

Սերբիա - Լատվիա` 2-1

Ալեքսանդր Կատայ, 49, Ալեքսանդր Ստանկովիչ, 60 - Վլադիսլավ Գուստովսկի, 12