Ֆուտբոլի աշխարհի 2026 թվականի առաջնության եվրոպական գոտու ընտրական մրցաշարում կայացան հերթական խաղերը:

Աշխարհի փոխչեմպիոն Ֆրանսիան D խմբում Ռեյկյավիկում անսպասելիորեն չհաղթեց Իսլանդիայի հավաքականին. գրանցվեց 2-2 հաշիվը: Ֆրանսիայի հավաքականից գոլ խփեցին հարձակվողներ Քրիստոֆեր Նկունկուն և Ժան-Ֆիլիպ Մատետան: Ի դեպ, հաշիվը բացել էր Իսլանդիայի հավաքականը:

Դիդյե Դեշամի գլխավորած թիմը 10 միավորով խմբի առաջատարն է, Ուկրաինան 7 միավորով երկրորդն է, Իսլանդիան` 4 միավորով երրորդը:

A խմբում Գերմանիայի հավաքականը հյուրընկալվելիս 1-0 հաշվով հաղթեց Հյուսիսային Իռլանդիայի թիմին: Խմբի մյուս խաղում Սլովակիան տանը երկու անպատասխան գնդակ ուղարկեց Լյուքսեմբուրգի հավաքականի դարպասը:

Գերմանիան և Սլովակիան 9-ական միավոր ունեն, Հյուսիսային Իռլանդիան` 6:

J խմբում Բելգիայի հավաքականը հյուրընկալվելիս 4-2 հաշվով հաղթեց Ուելսին: Դուբլ գրանցեց կիսապաշտպան Կևին Դե Բրույնեն, որը երկու գոլերն էլ խփեց 11-մետրանոցից: Խմբի մյուս խաղում Հյուսիսային Մակեդոնիան և Ղազախստանը գրանցեցին 1-1 հաշիվը:

Բելգիացիները 14 միավորով առաջին տեղում են, Հյուսիսային Մակեդոնիան 13 միավորով երկրորդն է, Ուելսը` 10 միավորով երրորդը:

ԱԱ-2026, եվրոպական գոտու ընտրական մրցաշար

A խումբ

Հյուսիսային Իռլանդիա - Գերմանիա` 0-1

Նիկ Վոլտեմադե, 31

Սլովակիա - Լյուքսեմբուրգ` 2-0

B խումբ

Սլովենիա - Շվեյցարիա` 0-0

Շվեդիա - Կոսովո` 0-1

Ֆիսնիկ Ասլանի, 32

D խումբ

Իսլանդիա - Ֆրանսիա` 2-2

Վիկտոր Պալսոն, 39, Կրիստիան Հլինասոն, 70 - Քրիստոֆեր Նկունկու, 63, Ժան-Ֆիլիպ Մատետա, 68

Ուկրաինա - Ադրբեջան` 2-1

J խումբ

Ուելս - Բելգիա` 2-4

Ջո Ռոդոն, 8, Նաթան Բրոդհեդ, 89 - Կևին Դե Բրույնե, 18 (11մ), 76 (11մ), Թոմա Մենյե, 24, Լեանդրո Տրոսար, 90

Հյուսիսային Մակեդոնիա - Ղազախստան` 1-1

Էնիս Բարդի, 74 - Դինմուհամեդ Քարաման, 54

ԱԱ-2026-ի եվրոպական գոտու ընտրական մրցաշարի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր խաղերը հեռարձակվում են Fast TV հավելվածում (iOS, Android):