Մեկնարկել է ֆուտբոլի աշխարհի 2026 թվականի առաջնության եվրոպական գոտու ընտրական մրցաշարի երկրորդ տուրը:

Անգլիայի ազգային հավաքականը երկրորդ հաղթանակը տարավ: Այս անգամ գերմանացի Թոմաս Տուխելի գլխավորած թիմը Լոնդոնի «Ուեմբլի» ստադիոնում 3-0 հաշվով հաղթեց Լատվիայի հավաքականին:

Անգլիացիների կազմում իրենց առաջին գոլերը խփեցին Լոնդոնի «Չելսիի» պաշտպան Ռիս Ջեյմսը և «Քրիստալ Փելասի» հարձակվող Էբերեչի Էզեն: Գոլ խփեց նաև հավաքականի գլխավոր ռմբարկու, Մյունխենի «Բավարիայի» հարձակվող Հարի Քեյնը: 

K խմբի մյուս խաղում առաջին տուրում Անգլիային պարտված Ալբանիայի հավաքականը տանը 3-0 հաշվով հաղթեց Անդորրային:

G խմբում էլ երկրորդ հաղթանակը տարավ Լեհաստանի ազգային հավաքականը: Լեհերը տանը հունական «Պանատինայկոսի» հարձակվող Կարոլ Սվիդերսկիի դուբլի շնորհիվ հաղթեցին Մալթային` 2-0:

ԱԱ-2026-ի որակավորման փուլ, երկրորդ տուր

K խումբ

Անգլիա - Լատվիա` 3-0 (տեսանյութ)

Ռիս Ջեյմս, 38, Հարի Քեյն, 68, Էբերեչի Էզե, 76

Ալբանիա - Անդորրա` 3-0 (տեսանյութ)

Ռեյ Մանայ, 9, 19, Միտրո Ուզունի, 90+2

H խումբ

Բոսնիա և Հերցեգովինա - Կիպրոս` 2-1 (տեսանյութ)

Սան Մարինո - Ռումինիա` 1-5 (տեսանյութ)

G խումբ

Լեհաստան - Մալթա` 2-0 (տեսանյութ)

Կարոլ Սվիդերսկի, 27, 51

Հեռացում` Յլյաս Չուարեֆ, 90+1 (Մալթա)

Լիտվա - Ֆինլանդիա` 2-2 (տեսանյութ)