Տիգրան Պետրոսյանի անվան շախմատի տանն ընթացող Հայաստանի Բարձրագույն խմբի տղամարդկանց առաջնության 4-րդ տուրից հետո առաջատարների թիվը հասավ հինգի:
Արման Փաշիկյանն ու Մանուել Պետրոսյանը հաղթելով համապատասխանաբար Արման Միքայելյանին ու Դավիթ Շահինյանին, 2,5-ական միավորով հավասարվեցին մրցաշարային աղյուսակը գլխավորող Սամվել Տեր-Սահակյանին, Հայկ Մարտիրոսյանին և Զավեն Անդրիասյանին:
Տուրի մյուս 4 պարտիաներն ավարտվեցին ոչ-ոքի: Հաշտություն կնքեցին Հովհաննես Գաբուզյանն ու Սամվել Տեր-Սահակյանը, Հայկ Մարտիրոսյանն ու Զավեն Անդրիասյանը, Տիգրան Պետրոսյանն ու Տիգրան Հարությունյանը, Շանթ Սարգսյանն ու Մամիկոն Ղարիբյանը:
