Քիմ Քարդաշյանն այժմ ոչ միայն Balenciaga-ի հավատարիմ երկրպագուն է, այլ նաև պաշտոնական ներկայացուցիչը։ Այս լուրը դժվար թե կարելի է անսպասելի անվանել, քանի որ վերջին մեկ տարվա ընթացքում Քիմը հայտնվում է Balenciaga-ի իրերով։

Երեկ Balenciaga-ի պաշտոնական էջից անհետացան բոլոր հին գրառումները (սա բրենդի ավանդական քայլն է յուրաքանչյուր գովազդային արշավի թողարկումից առաջ) և հայտնվեց նորը։ Հրապարակման բոլոր լուսանկարներում Քիմ Քարդաշյանն է՝ կա՛մ սև կատվի սյուիտով՝ վառ կանաչ Le Cagole պայուսակով, կա՛մ խորհրդանշական Hourglass վերարկուով։ 

Նորաձևության տան կրեատիվ տնօրեն Դեմնա Գվասալիան շտապել է իր բաժանորդների հետ կիսվել ուրախալի լուրով։ «Վերջապե'ս: Քիմ Քարդաշյանը Balenciaga-ի նոր գովազդային արշավի դեմքն է». - գրել է դիզայները: Բացի այդ, նա նշել է, որ բոլոր նկարներում հեռուստաաստղը լուսանկարվել է Կալաբասասում գտնվող իր տանը:

Քիմից բացի արշավում լուսանկարվել է ֆրանսիական կինոյի լեգենդը՝ 68-ամյա Իզաբել Հուպերը։ Դերասանուհու համար սա ապրանքանիշի հետ առաջին համագործակցությունը չէ։ 2021 թվականին նա փայլեց Balenciaga-ի կուտյուրային զգեստով՝ Կաննի կինոփառատոնի կարմիր գորգին, իսկ որոշ ժամանակ անց Ջասթին Բիբերի հետ նկարահանվեց տան լուքբուքում։