«Բարսելոնան» մտադիր է վաճառել Ուսման Դեմբելեի տրանսֆերային իրավունքները հունվարին, եթե ֆրանսիացին հրաժարվի երկարաձգել պայմանագրի ժամկետը:
Cadena Ser-ի փոխանցմամբ՝ երիտասարդ վինգերը ոչ միայն չի պատրաստվում հեռանալ ձմռանը, այլև իր պահանջներն է թելադրում:
Այսպիսով՝ Դեմբելեն փորձում է վերջնագիր ներկայացնել՝ սպառնալով, որ իր պայմաններով համաձայնագիրը չերկարաձգելու դեպքում ամռանը կհեռանա անվճար:
Ֆուտբոլիստի գործակալը L’Equipe-ին հայտնել է, որ խնդիրն ամենևին էլ գումարը չէ, սակայն այլ պարզաբանումներ չի տվել:
Ընթացիկ մրցաշրջանում «կապտանռնագույնների» կազմում 24-ամյա խաղացողն անցկացրել է ընդամենը 10 հանդիպում՝ դառնալով 1 գոլի և 2 արդյունավետ փոխանցման հեղինակ:
