Երբեմն որքան էլ դժվար է իրականությունը, բայց ֆիլմի հերոսների պատմությունները հաճախ դառնում են փրկօղակ՝ օգնելով ելք գտնել կամ նույնիսկ սկսել ամեն բան զրոյից:
Ահա 5 ոգեշնչող ֆիլմ, որոնց գլխավոր հերոսները որոշում են նորից փորձել՝
«Պրակտիկանտը» (The intern), 2015
Ֆիլմը հիշեցնում է, որ ոչ թոշակի անցնելը, ոչ էլ ծերությունը խոչընդոտ չեն նոր բաներ փորձելու ցանկության համար: Գլխավոր հերոսը՝ 70-ամյա թոշակառու այրին, որին մարմնավորում է Ռոբերտ Դե Նիրոն, պրակտիկայի է անցնում նորաձևության ամսագրում՝ դառնալով ամսագրի սեփականատեր Ջուլս Օսթինի (Էնն Հեթուեյ) օգնականը: Երկու տարբեր սերունդի ներկայացուցիչներն իրարից շատ բան ունեն սովորելու:
Սեր երկրորդ հայացքից (Love at Second Sight), 2019
Ռաֆայելն ու Օլիվիան սիրահարված են և երջանիկ։ Ռաֆայելը տաղանդավոր բեսթսելեր գրող է, Օլիվիան՝ շնորհալի դաշնակահարուհի, որը երազում է փայլուն երաժշտական կարիերայի մասին՝ միաժամանակ երեխաներին երաժշտություն սովորեցնելով։ Մի երեկո զույգը վիճաբանում է, իսկ հաջորդ առավոտյան զարմանալի բան է տեղի ունենում. Ռաֆայելն արթնանում է որպես գրականության ուսուցիչ առանց ընկերուհու և հրատարակած գրքերի, իսկ Օլիվիան հայտնի դաշնակահարուհի է, որը պատրաստվում է ամուսնանալ երաժշտական պրոդյուսերի հետ։
Ռաֆայելին նոր մրտահրավերներ են սպասվում. Ստիպված է նորից ծանոթանալ սիրելի հետ և սիրտը շահել։
«Ուոլթեր Միթի անհավանական կյանքը» (The Secret Life of Walter Mitty), 2013
Պատմության գլխավոր հերոսը կարողանում է ակնթարթորեն գրավել մարդկանց ուշադրությունը, չնայած այն փաստին, որ առանձնապես հաջողակ չէ:
Ֆիլմը բացահայտում է հերոսի անսովոր մտածելակերպը, թույլ տալիս մեզ սուզվել նրա երազանքների մեջ: Կինոդիտողը փորձում է ամեն կերպ աջակցել հերոսին՝ նրա նպատակին հասնելու ճանապարհին: Չէ՞ որ Ուոլթերն այնքան է ուզում իր աշխատանքային գործընկերոջը հաճոյանալ, դառնալ վճռական ու ազատագրված։
«Լարի Քրաուն» (Larry Crowne), 2011
Ֆիլմը միջին տարիքի տղամարդու մասին է, որը կորցնում է աշխատանքը բարձրագույն կրթություն չունենալու պատճառով։ Այսպիսով, նա գնում է քոլեջ և սկսում նոր կյանք. այժմ նա ունի երիտասարդ դասընկերներ, մոպեդ և սիրահարված է ուսուցչուհուն: Ի՞նչ սպասել Թոմ Հենքսի և Ջուլիա Ռոբերթսի դերասանական դուետից. Սենտիմենտալ հումոր և խորը զգացողություններ:
«Կեր, աղոթիր, սիրիր», (Eat Pray Love) 2010
Գրող Էլիզաբեթ Գիլբերտը համանուն գրքում պատմում է իր կյանքի ամենադժվար ժամանակաշրջաններից մեկը, որը ստիպել է սկսել ամբողջական մեկնարկ՝ զրոյից. թողել է իր բոլոր իրերը և մեկնել ճանապարհորդության՝ վերագտնելու իրեն: Փայլուն, հեգնական և իմաստուն. այսպես է հնչում իրական իրադարձությունների վրա հիմնված պատմությունը էկրանին և էջերին:
