Ուգանդացի աթլետ Ջեյքոբ Կիպլիմոն կիսամարաթոնյան վազքի համաշխարհային ռեկորդ է սահմանել, հայտնում է Eurosport-ը։
24-ամյա վազորդը Կատալոնիայի մայրաքաղաք Բարսելոնայում կայացած Mitja Marato մրցաշարում 21,1 կիլոմետրն անցել է 56 րոպե 42 վայրկյանում։
Կիպլիմոն 48 վայրկյանով գերազանցել է նախորդ ռեկորդակիր եթովպացի Յոմիֆ Կեյելեչիի ցուցանիշը:
Կիպլիմոն Տոկիոյի Օլիմպիական խաղերում բրոնզե մեդալակիր է դարձել 10 հազար մետր մրցատարածությունում։ Նույն մրցատարածությունում նաև աշխարհի առաջնության բրոնզե մեդալ է նվաճել։ 2022 թ. Համագործակցության խաղերում էլ ոսկե մեդալի է արժանացել՝ համապատասխանաբար 5 ու 10 հազար մրցատարածություններում առաջինը եզրագծին հասնելու համար։
