Բրիտանական «Ասթոն Մարտինի» իսպանացի 43-ամյա մրցարշավորդ Ֆերնանդո Ալոնսոն մտադիր է մասնակցել առնվազն ևս 50 մրցարշավի:
«Չեմ կարծում` կմասնակցեմ ևս 400 մրցարշավի, բայց հուսով եմ, որ առաջիկա տարիներին առնվազն 40 կամ 50-ում կմրցեմ:
Կարծում եմ, որ ժամանակակից Ֆորմուլա-1-ը մրցարշավորդին շատ չի ծանրաբեռնում, որքան նախորդ տարիներին էր, և դա թույլ է տալիս ավելի երկար հանդես գալ: Իհարկե, ֆիզիկական տեսանկյունից դա դեռ հսկայական մարտահրավեր է, բայց Ֆորմուլա-1-ում տեխնոլոգիաները փոխվել են, և մի փոքր ավելի դյուրինացել է մրցարշավորդների գործը: Հարմարավետություն, անվտանգություն, սաղավարտներ, ամեն ինչ բարելավվել է:
Սիրում եմ Ֆորմուլա-1-ը: Սիրում եմ մրցել ու ամեն օր ձգտել առավելագույնի»,- Ալոնսոյի խոսքը մեջբերում է Marca-ն:
Հիշեցնենք, որ իսպանացին Ֆորմուլա-1-ի կրկնակի չեմպիոն է: Ընթացիկ մրցաշրջանում այս պահի դրությամբ 9-րդն է:
