«Մանչեսթեր Յունայթեդի» գլխավոր մարզիչ Ռուբեն Ամորիմը պատասխանել է թիմի նախկին հարձակվող Ուեյն Ռունիին, հաղորդում է Goal.com-ը:
Ավելի վաղ պորտուգալացին հայտարարել էր, որ նա Անգլիա է ժամանել «Կարմիր սատաններին» չեմպիոն դարձնելու համար, ինչը Ռունիի կարծիքով միամտություն է թիմի ներկայիս ծանր վիճակը հաշվի առնելով:
«Ես միամիտ չեմ: Հենց այդ պատճառով 40 տարեկանում մարզում եմ «Մանչեսթեր Յունայթեդը»»,- ասել է պորտուգալացին:
Պրեմիեր լիգայում «Մանչեսթեր Յունայթեդը» 14-րդ տեղում է, դուրս է մնացել Անգլիայի գավաթի ու Լիգայի գավաթի խաղարկություններից և պայքարը շարունակում է միայն Եվրոպա լիգայում:
