Եվրո-2024-ի որակավորման փուլի C խմբում Իտալիայի հավաքականը Բարիում 4:0 հաշվով վստահ հաղթանակ տարավ Մալթայի նկատմամբ: Հաշիվը շքեղ հարվածով բացեց Ջակոմո Բոնավերնտուրան, որը 34 տարեկանում առաջին գոլը խփեց «Սկուադրա աձուրայի» կազմում: «Ֆիորենտինայի» կիսապաշտպանը դարձավ Իտալիայի հավաքականում առաջին գոլը խփած ամենատարեց ֆուտբոլիստը պատմության մեջ։

Դաշտի տերերի կազմում դուբլի հեղինակ դարձավ Դոմենիկո Բերարդին, իսկ հանդիպման վերջակետը դրեց Դավիդե Ֆրատեզին:

Լուչիանո Սպալետիի թիմը 10 միավորով հավասարվեց Ուկրաինայի հավաքականին և 3 միավոր է զիջում խմբի առաջատար անգլիացիներին: 3 օրից կկայանա Անգլիա – Իտալիա հանդիպումը:

H խմբում Դանիան ռևանշի հասավ Ղազախստանի նկատմամբ մարտին կրած անկանկալ պարտությունից հետո և այժմ 16 միավորով առաջատարն է: Նույնքան միավոր ունի նաև Սլովենիան, որն վստահ հաղթանակի հասավ Ֆինլանդիայի դեմ խաղում:

G խմբի առաջատարներ Հունգարիայի և Սերբիայի միջև խաղում որոշիչ էր առաջին կեսը, որում գրանցված 2:1 հաշիվը հետագայում դարձավ վերջնական: Մարկո Ռոսիի թիմը 13 միավորով առաջին տեղում է, իսկ բալկանները 10 միավորով երկրորդն են:

Խմբի հետնապահների խաղում Լիտվան արտագնա հաղթանակի հասավ ճգնաժամում գտնվող Բուլղարիայի նկատմամբ, որը 2 միավորով վերջին տեղում է:

Եվրո-2024, 7-րդ տուր

C խումբ

Իտալիա – Մալթա՝ 3:0 (տեսանյութ)

Ջակոմո Բոնավենտուրա, 23, Դոմենիկո Բերարդի, 45+1, 64, Դավիդե Ֆրատեզի, 90+3

G խումբ

Հունգարիա – Սերբիա՝ 2:1 (տեսանյութ)

Բարնաբաս Վարգա, 20, Ռոլանդ Շալայ, 34 – Ստրահինյա Պավլովիչ, 33

Բուլղարիա – Լիտվա՝ 0:2

Պիուս Սիրվիս, 45, 55

H խումբ

Դանիա – Ղազախստան՝ 3:1 (տեսանյութ)

Յոնաս Վինդ, 36, Ռոբերտ Սկով, 45+1, 48, – Յան Վորոգովսկի, 58

Սլովենիա – Ֆինլանդիա՝ 3:0

Բենյամին Շեշկո, 16, 28, Էրիկ Յանզա, 90+2