«Այաքսը» 24 տարվա ընդմիջումից հետո Նիդերլանդների առաջնությունը կավարտի լավագույն քառյակից դուրս։

Էրեդիվիզիի ընթացիկ մրցաշրջանի ավարտից 2 տուր առաջ Ամստերդամի թիմը 5-րդն է և 9 միավոր է զիջում չորրորդ տեղում գտնվող «Ազ Ալկմարին»։ «Այաքսն» առաջնությունը կավարտի 5-րդ տեղում և հաջորդ մրցաշրջանում կխաղա Եվրոպա լիգայում։

Նախորդ անգամ ամստերդամցիներն առաջնությունը թոփ-4-ից դուրս ավարտել էին 1999/2000 մրցաշրջանում՝ գրավելով 5-րդ տեղը։

Հիշեցնենք, որ «Այաքսը» Նիդերլանդների 35-ակի չեմպիոն է և ռեկորդակիր է այդ ցուցանիշով։