Բուլղարացի 21-ամյա ծանրորդ Կառլոս Նասարը երրորդ անգամ դարձավ աշխարհի չեմպիոն:
Փարիզի 2024 թվականի Օլիմպիական խաղերի հաղթողը ելույթ ունեցավ իր համար նոր քաշային կարգում` 94 կգ-ում: Պոկում վարժությունից հետո Եվրոպայի եռակի չեմպիոնը 173 կգ արդյունքով չորրորդն էր, սակայն հրումում հստակ կատարեց բոլոր 3 մոտեցումները: Վերջին մոտեցմանը Նասարը հրեց 222 կգ-անոց ծանրաձողը` սահմանելով համաշխարհային ռեկորդ: Երկամարտում բուլղարացին գրանցեց 395 կգ արդյունք:
Երկրորդ տեղում հանգրվանեց իրանցի Ալիռեզա Մոեինին, որը երկամարտում գրանցեց 391 կգ (182+209) արդյունք:
