17-ամյա Էմին Օհանյանը դարձավ Հնդկաստանում ավարտված շախմատի աշխարհի մինչև 20 տարեկանների առաջնության փոխչեմպիոն։

Վերջին՝ 11-րդ տուրում հայ գրոսմայստերը սպիտակ խաղաքարերով ուժեղ գտնվեց Ֆիլիպինները ներկայացնող Դանիել Քուիզոնից։ Օհանյանն առաջնությունն ավարտեց 8.5 միավորով և Ղազախստանը ներկայացնող Նոգերբեկ Կազիբեկի հետ կիսեց 1-2-րդ տեղերը: Լրացուցիչ ցուցանիշներով չեմպիոն հռչակվեց Կազիբեկը, որը վերջին տուրում սպիտակներով հաղթեց Հայաստանի ներկայացուցիչ Մամիկոն Ղարիբյանին:

Նախավերջին տուրից հետո մրցաշարային աղյուսակը միանձնյա գլխավորած Ղարիբյանը 4 միավորով գրավեց չորրորդ տեղը։

Հիշեցնենք, որ կանանց աշխարհի մինչև 20 տարեկանների առաջնության փոխչեմպիոն էր դարձել Հայաստանի ներկայացուցիչ Մարիամ Մկրտչյանը, որը 11 հնարավորից վաստակել էր 9.5 միավոր։