Անգլիայի առաջնության 31-րդ տուրի «Լեսթեր» – «Նյուքասլ» խաղում նորամուտն է նշել տանտերերի կիսապաշտպան Ջերեմի Մոնգան, հայտնում է Opta-ն:
15-ամյա ֆուտբոլիստը դարձել է պատմության մեջ երկրորդ ամենաերիտասարդ խաղացողը, որը խաղադաշտ է դուրս եկել Պրեմիեր լիգայում:
Նորամուտի պահին նա 15 տարեկան և 271 օրական էր:
Ռեկորդակիրն «Արսենալի» եզրային հարձակվող Իթան Նվաներին է, որը Պրեմիեր լիգայում նորամուտը նշել է 15 տարեկան 181 օրականում:
