Մադրիդի «Ռեալի» նախագահ Ֆլորենտինո Պերեսն El Confidencial պարբերականի դեմ դատական գործը հաղթել է, հաղորդում է Goal.com-ը` հղում անելով Իսպանիայի Գերագույն դատարանի որոշմանը:
Գերագույն դատարանն ուժի մեջ է թողել Ստորին դատարանի որոշումը` դատապարտելով այդ պարբերականի և դրա գլխավոր խմբագրի արարքը: Լրատվամիջոցը տարիներ առաջ հրապարակել էր Պերեսի անձնական խոսակցություններից աուդիոձայնագրություններ, որոնցում «Արքայական ակումբի» ղեկավարը թիմի լեգենդար նախկին ֆուտբոլիստներ Կրիշտիանու Ռոնալդուին, Իկեր Կասիլյասին, Ռաուլին և իսպանական գրանդի նախկին մարզիչ Ժոզե Մոուրինյոյին անվանել էր հիմար, Կասիլյասին և Ռաուլին նաև անվանել էր խարդախներ:
Դատարանի որոշման մեջ նշվում է, որ լրատվամիջոցն աուդիոձայնագրությունները հրապարակել է՝ Պերեսին զրպարտելու համար:
Հատկանշական է, որ դատարանի որոշումից հետո Պերեսը 1 եվրո փոխհատուցում կստանա:
