Ռեժիսոր Շոն Բեյքերի «Anora» ֆիլմը ներկայացված է «Անկախ ոգի» (Independent Spirit Awards) անկախ կինոյի 40-րդ մրցանակաբաշխության 6 անվանակարգում, այդ թվում՝ լավագույն ռեժիսոր, գլխավոր դերակատար (Մայքի Մեդիսոն), երկրորդ պլանի դերասան (Յուրի Բորիսով և Կարեն Կարագուլյան) և այլ անվանակարգերում։ Ըստ «Kulturomania.ru»-ի՝ առաջադրված անվանակարգերի քանակով «Anora»-ն մրցանակաբաշխության 2 առաջատար ֆիլմերից է:
«Independent Spirit Awards»-ը տեղի կունենա փետրվարի 22-ին: Մինչև այս «Anora»-ն արժանացել է Կաննի կինոփառատոնի գլխավոր «Ոսկե արմավենի» մրցանակին: Ֆիլմը ֆավորիտ է նաև «Օսկարի» համար պայքարում։