Հոկտեմբերի 2-ին՝ ժամը 18:00-ին, «Զանգակ» գրատանը տեղի ունեցավ Համլետ Առաքելյանի նոր գրքի՝ «Անմահների ակադեմիա» վեպի շնորհանդեսը։

«Անմահների ակադեմիան» գրված է ֆենթեզի ժանրում։ Այս հրաշավեպը վերերկրային իրարամերժ ուժերի հարատև պայքարի արտահայտումն է՝ երկու երիտասարդի երկրային հրաշապատում ճանապարհի մեջ: 

Հեղինակի խոսքով՝ գիրքը լրացնելու է դեռահասների համար այդ ժանրի գրականության բացը:

Գրքի նկարագրությունը

Արեգն ու Արան Երևանյան համալսարանում իրենց առաջին տարվա ընթացքում ծանոթանում են տիկին Տարտարոսյանի՝ Անմահության հիմունքների դասախոսի հետ, և սկսում են գնալ գաղտնի անմահական հավաքների, որոնց նպատակը Վիեննայի Անմահության ակադեմիա ընդունվելն է:

Դրա համար նրանք պիտի անցնեն անմահության մի քանի հարթակներով, մտածեցում սովորեն ու չշեղվեն անմահական ճանապարհից:

Հստակ թվացող ուղին, սակայն, կասկածի տակ է դրվում, երբ Արեգը բացահայտում է Հայկի մատյանը, որ նախահոր թողած ուղեցույցն է դեպի Նրա աշխարհ:

Գիրքը հրատարակել է «Անտարես» հրատարակչությունը։

Լուսանկարներ՝ շնորհանդեսից․