Համաշխարհային աստղ, Կալիֆոռնիայի նախկին նահանգապետ Առնոլդ Շվարցենեգերը մեկնում էր Ավստրիա՝ մասնակցեու բարեգործական աճուրդի: Այնտեղ նա նախատեսում էր թանկարժեք ժամացույց վաճառել:
Մյունխենի օդանավակայանում Գերմանիայի ոստիկանությունը երեք ժամով ձերբակալել է Առնոլդ Շվարցենեգերին՝ ԱՄՆ-ից բերված շքեղ ժամացույցը չհայտարարագրելու համար։ Հետաքննություն է սկսվել հարկերից խուսափելու առնչությամբ, քանի որ ժամացույցը նախատեսվում էր վաճառել ԵՄ-ում:
Շվարցենեգերին թույլ են տվել վերցնել ժամացույցն իր հետ մի քանի հազար եվրո տուգանք վճարելուց հետո:
Տեղական ԶԼՄ-ների տվյալներով՝ ժամացույցը պատրաստվել է Audemars Piguet-ի պատվերով և գնահատվում է առնվազն 50 հազար դոլար:
Մյունխենի մաքսատան աշխատակիցը DPA-ին ասել է. «Եթե ապրանքները մնում են ԵՄ-ում, ապա պետք է հարկ և տուրք վճարեք»: Իրոք, ԵՄ կանոնների համաձայն՝ յուրաքանչյուր ոք, ով ժամանում է 10,000 եվրոյից ավելի կանխիկ կամ որոշակի արժեքավոր իրերով, պետք է հայտարարի այդ մասին:
