Նյու Յորքում հարձակման ենթարկված հնդկական արմատներով բրիտանացի գրող Սալման Ռուշդին կորցրել է մի աչքի տեսողությունը և չի կարողանում օգտագործել ձեռքերից մեկը, ասել է նրա գրական գործակալ Էնդրյու Ուայլին։
Ռուշդիի վրա հարձակումը տեղի էր ունեցել օգոստոսի 12-ին ինստիտուտի բեմում՝ Նյու Յորք նահանգում ելույթից առաջ։ Գրողը ստացել էր դանակի առնվազն երկու հարված՝ պարանոցի և որովայնի շրջանում։ Հարձակվողը Նյու Ջերսիից 24-ամյա Հադի Մաթարն էր։
Ռուշդիի «Սատանայական բանաստեղծություններ» (1988) վեպը վրդովմունք է առաջացրել մահմեդական աշխարհում, քանի որ այն համարվում է հակաիսլամական: Իրանի այաթոլլահ Ռուհոլլա Խոմեյնին իր ֆեթվայում հրապարակայնորեն անիծել է Ռուշդիին և դատապարտել մահվան։ Երկար ժամանակ գրողը ստիպված էր թաքնվել, նրա գիրքն արգելված է մի շարք երկրներում։
Սալման Ռուշդիի, նրան սպանելու և բազմամիլիոնանոց պարգևի մասին կարող եք կարդալ՝ այստեղ:
