Ռեժիսոր Իննա Մխիթարյանի «Թոնրատուն» ֆիլմը ճանաչվել է Վիեննայի «Մարդկության այս աշխարհը» (This Human World) կինոփառատոնի Միջազգային մրցույթի հաղթող։ Այս մասին հայտնել են Հայաստանի ազգային կինոկենտրոնից։
Պետական ֆինանսական աջակցություն ստացած այս ֆիլմը 5 կնոջ մասին է, որոնք 30 քառակուսի մետր տարածքում՝ թոնրատանը, լավաշ են թխում ու քննարկում կյանքն ու պատերազմը։
Ռեժիսորն է Իննա Մխիթարյանը, բեմադրող օպերատորը՝ Անդրանիկ Սահակյանը, հնչյունավորում՝ Գրասիելա Բառո, Արմեն Պապյան, մոնտաժը՝ Ժյուստին Իրիար, պրոդյուսերներ՝ Անժելա Ֆրանգյան, Տեֆան Ժուրդեն, Դը Գոլ Էյդ, արտադրությունը՝ ԴոԿինո, La Huit, Cined Productions:
