Քանյե Ուեսթի և նրա նախկին կնոջ՝ Քիմ Քարդաշյանի միջև սկանդալ է ծագել։ 44-ամյա հեռուստաաստղը դատական հայց է ներկայացրել «Lonely Roads Still Go to Sunshine» երգի համար, որում նկարահանվել է նրանց դուստրը՝ Նորթը։
Քիմն ու Քանյեն ամուսնացած են եղել 2014-ից 2022 թվականներին։ Նրանք չորս երեխա ունեն՝ 11-ամյա Նորթը, 9-ամյա Սեյնթը, 6-ամյա Չիկագոն և 5-ամյա Սաղմոսը։ Չնայած Գրեմմիի դափնեկրի կյանքում տեղի ունեցած բուռն իրադարձություններին և նրա սկանդալային չարաճճիություններին՝ Քիմը պնդում է, որ իրենց՝ որպես ծնողների հարաբերությունները կայուն են։ Ռեալիթի աստղը հայտարարել է, որ իրենց միջև միշտ հանգստություն է տիրում ցանկացած հանդիպման ժամանակ, երբ խոսքը վերաբերում է երեխաներին։
Թրեքը սկսվում է Շոն Քոմբսով, որը ճաղերի հետևում է և շնորհակալություն է հայտնում Քանյեին օգնության համար։ Այնուհետև հայտնվում է Նորթի ձայնը՝ փայլելու և լույսի մասին կարճ ռեփ հատվածով։
Ռեփեր և պրոդյուսեր Շոն Քոմբսը մեղադրվում է մանկապղծության, բազմաթիվ բռնաբարությունների մեջ, սակայն Քանյե Ուեսթը պաշտպանում է իր ընկերոջը։ Քարդաշյանը որոշել է ջնջել նոր թրեքը եթերից, որպեսզի դուստրը նման մարդու հետ կապ չունենա։ Daily Mail-ի աղբյուրը հայտնել է, որ Քիմը դատարան է դիմել՝ թույլ չտալու թրեքի թողարկումը և այն «ամբողջովին հեռացնել»:
Նախօրեին Քանյեն տեղադրել էր, ապա արագ հեռացնել նախկին կնոջ հետ իր նամակագրության սքրինշոթերը, որտեղ նա սպառնացել էր Քիմին իսկական «պատերազմով» և վստահեցրել նրան, որ կընդունի նրա դժգոհությունը թրեքում Նորթի մասնակցությունից և կհամաձայնի դստեր ձայնն այնտեղից հանելու պահանջներին «միայն նրա դիակի վրայով»:
