Դերասան Բենեդիկտ Քամբերբեթչը կնկարահանվի Մեթ Հեյգի «Ինչպես կանգնեցնել ժամանակը» բեսթսելլեր գրքի կինոադապտացիայում, գրում է The Hollywood Reporter-ը։
Սերիալում Քամբերբեթչը կխաղա Թոմ Հազարդի դերը, որը տառապում է հազվագյուտ անագերիա հիվանդությամբ։ Հիվանդության պատճառով կերպարը դանդաղ է ծերանում, և նա բախվում է այն փաստին, որ մարդիկ սխալ են հասկանում և նույնիսկ հետևում են իրեն։ Հազարդը և նրա նման մարդիկ դարեր շարունակ հետևել են իրենց ծնողների, ընկերների, սիրելիների և երեխաների մահվանը: Գոյատևելու համար անագերիայով տառապող մարդիկ ձևավորել են գաղտնի համայնք՝ պաշտպանելու իրենց: Գոյություն ունեն նաև կանոններ, որոնց պետք է հետևել։ Առաջին կանոնն է՝ երբեք չսիրահարվել։
Թոմաս Ալֆրեդսոնը, որն աշխատել է Քամբերբեթչի հետ 2011 թվականին «Լրտես, դուրս արի» ֆիլմի շուրջ, նշանակվել է վեց մասից բաղկացած նախագծի ռեժիսոր։
«Ես այնքան ոգևորված եմ Թոմասի հետ կրկին աշխատելու առիթով, նա կատարյալ մարդ է՝ ադապտացիայի մասշտաբները, լարվածությունը և հումորի զգացումը փոխանցելու համար»,- ասել է դերասանը։
«Ինչպես կանգնեցնել ժամանակը» գրքի հեղինակ Մեթ Հեյգը հայտարարել է, որ Բենեդիկտ Քամբերբեթչն «իսկականն» Է Թոմ Հազարդի դերի համար: Ի սկզբանե նախատեսվում էր նկարահանել լիամետրաժ ֆիլմ:
