Կաննի 76-րդ կինոփառատոնը կարող է բացել իսպանացի ռեժիսոր Պեդրո Ալմոդովարի 30 րոպեանոց «Կյանքի տարօրինակ ուղին» ֆիլմը (Strange Way of Life), հայտնում է worldofreel.com-ը։
«Կյանքի տարօրինակ ուղին» ռեժիսորի վերջին վեսթերնն է՝ Իթան Հոուքի և Պեդրո Պասկալի գլխավոր դերակատարմամբ: Ֆիլմն արդեն նկարահանված է և պատրաստ է ցուցադրման: Մեկ ամիս առաջ ռեժիսորը հաստատել էր, որ ֆիլմը լինելու է Կաննում։
Պատմության կենտրոնում կլինեն անապատի տարբեր կողմերում ապրող շերիֆն ու ավազակը։ Գործողությունները տեղի կունենան իսպանական Ալմերիա քաղաքում։
Ալմոդովարի նախորդ անգլալեզու կարճամետրաժ ֆիլմը՝ «Ձայն մարդկային»-ը՝ Թիլդա Սուինթոնի գլխավոր դերակատարմամբ, իր դեբյուտն ունեցավ երեք տարի առաջ՝ Վենետիկի կինոփառատոնում:
